Mpôl hăn kơl nuĭh bah Việt Nam ndơ̆ 30 tấn ndơ lơl an Myanmar lor rnôk sĭt dak
Thứ tư, 11:00, 09/04/2025
Điểu Thân
Điểu Thân
VOV.Mnông:Kêng măng ntri 8/4, lor rnôk sĭt dak nơm, Mpôl pah kan kơl nuĭh tât rmoh rmanh Bộ Công an Việt Nam hŏ ndơ̆ 30 tấn ndơ dŏng kan dak si, ndơ dŏng sa khlay gay kơl dak băl Myanmar nkra bah nău tât khuch tât rmoh rmanh n’gơ neh.
Tâm 10 nar pah kan ta Myanmar, Mpôl hăn hŏ wơt kơl 7 nuĭh geh kol khan tâm mbŭch hăch rlâm. Nkre, kan nsum đah mpôl kơl nuĭh bah ăp dak kơl wơt tay 7 nuĭh êng đŏng. Mpôl hăn kơl hŏ but săm, phăt dơm dak si an rlău 50 nuĭh geh rmanh; rdâk 2 nkưp baih ntŭk manh gŭ nde an nuĭh geh roh nhih jay; puh nkhĭt kaman an nkual ƀon lan gŭ. Bah meng nê, mpôl hăn ƀư geh nău dơi âk nău kan rgŏ jă, tâm pă kơl, ntop an prăk kaih an 6 rnăk geh nuĭh khĭt.
Viết bình luận