Di rnôk Lễ Phật đản-Phật lịch 2569, Dương lịch 2025, ôi 9/5, rmôt hăn kan bah N’gor uỷ, HĐND, UBND, Uỷ ban Mặt trận Tổ quốc Việt Nam n’gor Dak Lak hŏ tât khâl, rhơn Ban trị sự Giáo hội Phật giáo Việt Nam n’gor ndrel du đê̆ ntŭk Phật giáo tâm Buôn Ma Thuột. Tâm ăp ntŭk tât khâl, rđau kan n’gor Dak Lak mbơh nau ngăch tât nau kan văng sa, rêh jêng bah n’gor tâm năm rlau aơ, ăp nau rgâl mhe tâm nau kan dăp rgum hành chính rnôk aơ.

Rđau kan n’gor hŏ kơp dơn ndrel rnê prêh ăp nau rgop bah Phật giáo đah nau kan mât, ndâk ndrel hun hao neh dak ndrel n’gor. Rđau kan n’gor Dak Lak ân lah, đah nau nsôih bah ăp tăng ni, phật tử, Ban trị sự Phật giáo Việt Nam n’gor Dak Lak lŏ geh ăp nau rgop ngăn, n’hao nau tâm rnglăp, ndrel ndâk njêng n’gor nar lơn sâm geh./.