Lơ 9/5, n’gor Kon Tum ƀư Rƀŭn nchră khoa học mbơh nău wât “Uănh lah nău n’gơ neh ta n’gor Kon Tum-Nău ơm n’hanh trong mkra”. Rƀŭn nchră dơi ƀư jêh trong trôm n’gơ neh geh gưl ndal ta n’gor Kon Tum. Djôt dơn bah Viện Vật lý địa cầu, bah lơ 4/4/2021 ntơm ntoh ăp trong trôm n’gơ neh ta n’gor Kon Tum đah ntŭk geh âk ta nkuăl Kon Plông. Kơp tât dŭt khay 4/2025 ta nkual aơ lĕ geh rlău 1.000 rơh n’gơ đah rnoh geh nău mâp khuch khat bah gưl zerô tât gưl 1.

Tĭnh năl lah bah ăp nuĭh khoa học, n’gơ neh geh ta nkuăl Kon Plông, n’gor Kon Tum nu nău đah nău way nsum bah n’gơ neh, nĕ lah geh hô tâm rnôk bôk năp, hŭch mbrơi, lôch tĭng năm. Ta năp nu nău aơ, ndrel đah nglăp 11 ntŭk uănh nđôi ta Kon Tum, bah khay 3/2024. Viện Vật lý địa cầu lĕ ƀư bôk nău khoa học “Mĭn njêng uănh lah nău ƀư n’gơ neh n’hanh dăn đă ăp trong mkra njrăng rdâng tâm di an n’gor Kon Tum n’hanh kiău ma”. Rƀŏng tât khay 2/2027 rnôk lôch bôk nău mbra ƀư kloh ăp nău khuch tâm trôm n’gơ neh ƀư ta nkual nkuăl Kon Plông, n’gor Kon Tum; uănh lah nău geh tât đah nău n’gơ n’hanh nkrem dak n’glău n’gâr; uănh lah nău klach bah n’gơ neh đah nsum mpôl ƀon lan n’hanh ndâk ƀư geh ăp trong rdâng an nkuăl Kon Plông kơt ăp nkual kiău ma.