Nău kan aơ mpơl du njoat hăn mhe ta trong kan Việt Nam n’hanh Liên bang Nga dôl pơk hvi tâm kơl lĕ rngôch ta âk trong kan, ngăn lah nău wăng sa, tăch rgâl, văn hóa n’hanh tâm nđur ƀon lan. Nău nthoi tay trong mpăr đah Hà Nội n’hanh Moscow mô dơn ntop ntrôl tâm mbơh nău tăch rgâl n’hanh hun hao pâl nđaih, ma hôm nha tâm ton jŏ jong tâm nău n’hao tâm rgop trong kan đah bar ngih dak. Nchrăp, tâm rơh tâm mâp doanh nghiệp Việt Nam-Liên bang Nga ƀư ta Moscow ta lơ 11/5, Vietnam Airline mbra ký tâm ton nău kahgĭt tâm kơl đah 4 ntŭk kan pâl nđaih bôk năp bâh Nga. Aƀaơ, Vietnam Airline ntơm dŏng trong mpăr Hà Nội- Moscow đah 2 tŏ tâm ta nar bar n’hanh nar puăn.