Nau njor đồng chí Trần Đức Lương geh ƀư rgum tâm rnôk 7h00 ôi 25/5/2025 ta Ngih njor neh dak, mrô 5 Trần Thánh Tông, nkuăl ƀon têh Hà Nội, nau ƀư njor đồng chí Trần Đức Lương geh ƀư tĭng nau kan ngih dak. Săk drâu đồng chí Trần Đức Lương geh ân tâm ngih njor neh dak, mrô 5, Trần Thánh Tông, nkuăl ƀon têh Hà Nội.

            Nau lăp chang đồng chí Trần Đức Lương ƀư ta ngih njor neh dak, mrô 5, Trần Thánh Tông, nkuăl ƀon têh Hà Nội, ntơm rnôk 7h00 lơ 24/5/2025 tât 7h00 lơ 25/5/2025.

            Nau leo nkah ƀư đồng chí Trần Đức Lương ƀư ta ngih njor neh dak, mrô 5, Trần Thánh Tông, nkuăl ƀon têh Hà Nội. Leo tât rnôk 3h00 kêng măng ndrel nar ta môch ƀon tơm xã Phổ Khánh, nkuăl têh Đức Phổ, n’gor Quảng Ngãi.

            Ndrel mông aơ, tâm ngih rƀŭn Thống Nhất, nkuăl ƀon têh Hồ Chí Minh ndrel ngih rƀŭn T50, N’gâng kan rđau tahen n’gor Quảng Ngãi, mrô 142, Lê Trung Đình, nkuăl ƀon têh Quảng Ngãi kŏ ƀư nau lăp chang drâu đồng chí Trần Đức Lương.

Ntŭk kan ntoh rup Việt Nam và Radio Việt Nam mra ƀư mbơh nkoch rup, nau ngơi mbơh sŏng dăng tât nau lăp chang ndrel leo tât drâu đồng chí Trần Đức Lương ta nkuăl ƀon têh Hà Nội, nkuăl ƀon têh Hồ Chí Minh ndrel n’gor Quảng Ngãi.

Tâm bar nar ƀư nau nkah gĭt bah neh dak drâu đồng chí Trần Đức Lương, Uỷ viên Bộ Chính trị, Kruanh ơm dak Cộng hoà xã hội chủ nghĩa Việt Nam (lơ 24 ndrel 25/5/2025) ăp ntŭk kan, ntŭk pah kan ân geh yông n’ha cờ rngot nkah, mô ƀư ăp nau pâl rlưn ăp ntil./.