Kêng măng nar 16/3, Kruanh Quốc hội Trần Thanh Mẫn ƀư tơm Tâm nchră tâl puăn Ban Chấp hành Đảng bộ Quốc hội năm kan 2025-2030.

Kruanh Quốc hội an gĭt, rơh bầu cử đại biểu Quốc hội khóa XVI n’hanh đại biểu Hội đồng nhân dân ăp gưl năm kan 2026-2031 bôk năp geh nău dơi uĕh lăng đah rnoh âk cử tri hăn sơch lam dak geh dŭt âk, nklăp 99,69%; mô kâp ƀư sơch tay ta ăp đơn vị bầu cử tâm lam dak. Aƀaơ, ăp n’gâng kan ta ntŭk rgum tay, ra uănh tay di na nê̆ gay mbơh Hội đồng Bầu cử Gưl neh dak. Nchrăp ôi nar 22/3, Hội đồng Bầu cử Gưl neh dak mbra mbơh lôch jêh bầu cử. Nsing ta nê, mbra nchih săk ăp nuĭh dơi geh sơch, Ủy ban Pah kan đại biểu mbra ƀư mbơh năl di ngăn nău dơi ƀư nuĭh ntơh măt.

Mpeh Đề án rƀŏng tât njêng pháp luật năm kan Quốc hội khóa XVI hao rblang dăn Bộ Chính trị, tĭng Kruanh Quốc hội, nkô̆ tâm nchră Đề án hŏ grêt dăch ăp trong nchrăp, trong rƀŏng têh siƀŭt nchrăp lor dăn đă Đại hội đại biểu lam dak tâl XIV bah Đảng, nkre đăm gĭt jru ăp nghị quyết n’gâng tơm, têh jong n’hanh way nkô̆ khlay bah Bộ Chính trị geh tât wat jêh trong tĭng n’hanh hun hao neh dak tâm rơh mhe. Kruanh Quốc hội dăn đă, Quốc hội ân ra uănh tay ƀư n’gluh dơi ntŭk rgum khlay tâm trong tor gĭt lor bôk năp kan lah ntrŏng dơn kan ƀư wat jêh trong tĭng, pháp luật lah rêng ƀư đăt ndal gay hun hao neh dak; năl gĭt kloh pháp luật ân jêng suan ntrôl hun hao ngăn.