Nkah gĭt 93 năm nar ndâk njêng Đoàn Thanh niên Cộng sản Hồ Chí Minh, kêng măng 26/3, Quân ủy Trung ương, N’gâng kan mât njrăng bri dak ƀư rnê rhơn 45 Nuĭh druh ndăm ntoh lư, Nuĭh druh ndăm mpŏng kâp lam tahen năm 2023.

Ntoh ngơi ta ƀư rnê rhơn, Đại tướng Lương Cường, Ủy viên Bộ Chính trị, Chủ nhiệm Tổng cục Chính trị Tahen ƀon lan Việt Nam mĭn lah, druh ndăm tahen nchrăp lor mro ăp nău ƀư, nău ƀư mhe, ngăn ngên mât uĕh ƀư tơm hăn lor tâm nău kan tiăr nti, nchrăp rdâng lơh, mĭn njêng khoa học, ndâk njêng chính quy, tiăr nti kỷ luật, pah kan jan sa, mkra nău khuch trôk nar lơh, kơl ƀon lan jŭt n’hŭch ach o, ndâk njêng thôn ƀon mhe, nkual ƀon têh uĕh lăng... nkoch kloh 45 đồng chí dơi rnê rhơn nar aơ lah ăp đại biểu ntoh lư tâm hang rbăn ntoh lư gĭt blău bah druh ndăm tahen ta ăp ntil nău kan tahen năm 2023.