Mpôl kan uănh năl nău mât uănh, mbơh tơih Nghị quyết Đaị hôị 14 n’hanh chỉ thị mbrô 01 geh ƀư răng dăng, tâm ban, đah lĕ rngôch ntŭk kan Đảng, cán bộ, đảng viên tât râng nti, nău kan mbơh tơih geh ƀư âk ntil, ndrel đah sinh hoạt chi bộ, chuyên đề. Ntoh ngơi ta rơh rƀŭn nchră, Thủ tướng Phạm Minh Chính, Bí thư Đảng uỷ Chính phủ, lah na nê̆ lĕ ƀư tĭng na nê̆ nău ntĭm đă bâh n’gâng kan chính trị, Ban Bí thư, ntrŭnh ăp ntil săm ƀŭt gay ma mbơh tơih ƀư tĭng Nghị quyết. Bâh nău geh uănh nđôi bôk năp, Thủ tướng đă an geh mĭn uănh tay ƀư lôch nău kan chính phủ an tâm di đah nău mhe, nkre lah pă dăp an tâm di ăp ntŭk kan mbơh ôp nău, kơl kan gay ma n’hao nău tam, săk rnglăy mât uănh, leo kan.