Ôi lơ 18/3, wa Nguyễn Hoàng Giang, Kruanh UBND n’gor Quảng Ngãi pah kan ma UBND ăp xã Măng Đen, Măng Bút ndrel Kon Plông mpeh nau hun hao văng sa, rêh jêng, đăp mpăn neh dak, rnă njrăng ndrel ntrŭnh ƀư nau kan tơm tâm năm 2026.

3 xã: Măng Đen, Măng Bút ndrel Kon Blông, n’gor Quảng Ngãi geh rnoh neh hvi, geh âk nau dơi gay hun hao tuch tăm, văng sa bri ndrel pâl n’aih nsum. Nau nkŭm n’hâm mât tâm rnoh prêh, tâm Măng Đen geh dơi tât 68%, tâm Kon Plông geh rlau 83%, pơk trong ân hun hao văng sa ndrih.

Rnôk aơ, nkuăl Măng Đen-Măng Bút-Kon Plông geh nau dăng dơi ngăn gay hun hao pâl n’aih nsum mpôl, rlu rlau ndrel ƀư nau kan tuch tăm “nkuăl n’ik”, tâm nê Măng Đen mât nau tơm. Wa Nguyễn Hoàng Giang, Kruanh UBND n’gor Quảng Ngãi đă ăp nkuăl ƀư rjăp nau hun hao tuch tăm, njêng nkuăl tăm ndơ geh tăch âk, geh nau lư kơt Cà phê Arabica, Sâm Ngọc Linh, Đẳng sâm, byăp kao bri n’ik ndrel pâl n’aih./.