Tâm nar vơt, ndơn ƀư Kruanh dak Võ Thị Ánh Xuân rnê prêh Ngân hàng lam ntur neh hŏ geh âk nau rgop têh ngăn tâm nau nsôih hun hao ndrel n’hao prêh nau rêh bah ƀon lan tâm ăp neh dak kan nsum lam ntur neh. Đah Việt Nam Ngân hàng lam ntur neh lah ngoai tâm pe dak kan nsum hun hao, pă tơm prăk manh tă bah dak ba dih âk ngăn, tŏng nklăp 35% tơm prăk dak ba dih bah Việt Nam.

Ndơn ƀư Kruanh dak rnê prêh nau kơl an bah wa Ca-ro-lyn Turk ndrel Ngân hàng lam ntur neh ân Việt Nam, tâm nê geh nau kan khlay, kơt: ân nsrŭng trok rnon manh; Hŏ geh nau ŭch kơl an Việt Nam njrăng rdâng srê Covid-19, kơl an Việt Nam ơm ndâk văng sa jêh bah srê. Ngăn lah, Ngân hàng lam ntur neh hŏ ton nau rgum geh 1-2 rmen đôla/năm ân ntuh kơl hun hao bah Việt Nam tâm nau ƀư nau kan khlay. Tâm rơh tât, ndơn ƀư Kruanh dak nơm đă Ngân hàng lam ntur neh lŏ tâm boh rjăp, kơl an Việt Nma tâm rnôk hun hao neh dak./.