Lơ 16/3, ta Hà Nội, ăp đồng chí Uỷ biên Bộ Chính trị, Kruanh n’gâng kan nchră nau Lê Hoài Trung, Kruanh n’gâng kan neh dak Phan Văn Giang ndrel Kruanh n’gâng kan Công an Lương Tam Quang hŏ ndrel Kruanh n’gâng kan nchră nau Trung Quốc Vương Nghị, Kruanh n’gâng kan neh dak Trung Quốc Đổng Quân ndrel Kruanh n’gâng kan Công an Trung Quốc Vương Tiểu Hồng ƀư tơm rơh rƀŭn tal bôk năp tâm nchră nau kan 3+3 gưl Kruanh n’gâng kan nchră nau, neh dak ndrel Công an Việt Nam-Trung Quốc.

            Tâm nar rƀŭn, bar ding tâm ban nau mbơh tât nau hun hao ueh tĭng trong “6 rlau” bah nau tâm boh Việt-Trung rơh rlau aơ. Nkoch mbơh tât ăp nau tât ndal, jêr bah lam ntur neh, nkuăl tâm rơh rlau aơ, bar ding tâm ban nau ân lah nau kan bar dak n’hao tâm rnglăp, tâm boh, ƀư nâp nau tâm rnơm chính trị, pă mbơh rgum đah hun hao ndrel rnă njrăng, nâp tĭng trong xã hội chủ nghĩa, nsum ty ndrel nsum mpôl lam ntur neh rdâng ma ăp nau ntul rlong nsum tât nau đăp mpăn ndrel hun hao tâm nau dơi tâm di ma luật lam ntur neh ndrel Hiến chương Liên hợp quốc nar lơn ma ndal.  Pe nŭih Kruanh n’gâng kan mpeh Trung Quốc lah rjăp Trung Quốc uănh khlay ndrel mra nsum ma Việt Nam ƀư nau kan nsum gưl prêh, ntĭm nti nsum, tâm nkoch mbơh nau tă blau dơi ndâk njêng Đảng, mât neh dak, mât nâp nau geh dơi rnă njrăng ndrel hun hao bah ăp dak./.