Ôi 23/3, ta Nhih pah kan Trung ương Đảng, Tâm nchră tâl 2 Ban Chấp hành Trung ương Đảng khóa XIV hŏ ntơm pơk rgum ta Thủ đô Hà Nội.  

Lah ta rnôk ntơm pơk, Tổng Bí thư Tô Lâm lah rjăp, nkô̆ Tâm nchră ân dơi nkra dŭt âk, dŭt hvi, dŭt jêr, lah ăp nău kan ân ƀư, ân ƀư ngăch dĭl, mô dơi an mbrơi nkai. Tâm nê, Tâm nchră mbra rkhăch tay mpeh Bôk nău kan lam năm kan bah Ban Chấp hành Trung ương Đảng khóa XIV; nău way pah kan bah Ban Chấp hành Trung ương Đảng, Bộ Chính trị, Ban Bí thư; Quy định dŏng Điều lệ Đảng; Quy định mpeh pah kan ôp uănh, groi nđôi, tĭng jăp Đảng; Nău way pah kan bah Ủy ban Kiểm tra Trung ương; Quy định mpeh pah kan chính trị, nău mĭn tâm Đảng; N’glôch jêh du đêt nghị quyết têh bah Trung ương mpeh ôp uănh, groi nđôi, mpeh njrăng, n’gang sa khâm, mpŭng lir, tih djơh; Mĭn uănh pah kan nchrăp kruanh rđău kan ngih dak năm kan 2026–2031; An nău rgop mpeh trong nchrăp hun hao wăng sa- rêh jêng kon nuĭh 5 năm 2026–2031, trong nchrăp prăk kaih gưl neh dak, trong nchrăp ntuh kơl drŭng năm 2026–2031 n’hanh du đêt nkô̆ nău khlay êng bab ƀă. Nchrăp tâm nchră pah kan tât nar 27/3/2026.