Tổng Bí thư Tô Lâm ƀư tơm n’hanh geh nău lah ntơm pơk khlay ta tâm nchră. Tâm nchră rơh dja mbra tâm rkhăch, an nău rgop đah 15 nkô̆ rgm tâm bar rmôt nkô̆ nău tơm, nê lah rmôt nkô̆ nău mpeh dăp rgum tay nuĭh kan lam trong kan chính trị, dăp rgum nhih pah kan n’hanh leo ƀư n’gâng kan 2 gưl lah 8 đề án bah Siƀŭt mbơh, tâl bar lah rmôt nkô̆ nău mpeh nchrăp tay an Đại hội Đảng lam dak tâl 14 n’hanh bầu cử đại biểu Quốc hội khoá 16 n’hanh Hội đồng nhân dân ăp gưl năm kan 2026 -2031 lah 7 đề án n’hanh ăp siƀŭt mbơh. Mpeh rmôt nkô̆ nău nchrăp tay an Đại hội 14 bah Đảng n’hanh bầu cử đại biểu Quốc hội khóa 16 đại biểu Hội đồng nhân dân ăp gưl năm kan 2026 - 2031, Tổng Bí thư nkoch kloh, ntơm bah lôch tâm nchră Trung ương 10, Bộ Chính trị hŏ rđău đă kơi ntop tay, nkoch âk nkô̆ nău mhe, lơn lah ăp trong nchrăp, trong n’glêh an khlay geh nău khlay cách mạng gay hun hao neh dak.