N’gor Dak Lak hŏ vơt nklăp rlau 5,33 rkeh năch, geh rlau 56% nau nchrăp năm, hai rlau 37% rđil rơh aơ năm e. Rnoh geh bah pâl n’aih geh 9.600 rmen, hao bơi tât 38% rđil rơh aơ năm e. Dak Lak ƀư jêh săm ƀŭt dăn đă UNESCO kơp dơn “Nau gĭt blau tăm ndrel ê nkra cà phê”, ndâk săm ƀŭt nchih nkah ndơ ơm “Nau ôp brah ndrâm dak ba rnoi Rđe”; nkre ntrŭnh ăp nau kan kơl an mât ndrel ƀư ueh ăp nau ơm yau khlay chĭng gong lvang năm 2026-2030. Rnôk aơ n’gor dôl grum ƀư ăp nkô̆ nau Bôk nau kan hun hao pâl n’aih lvang năm 2026-2030, nchrăp ƀư Lễ hội Sầu riêng Dak Lak năm 2026, bkre ntrŭt dăng nau hun hao pâl n’aih mhe, ntrơn rgâl mrô, ndâk njêng săk ntơ pâl n’aih ueh ndrel n’hao ăp nŭih ƀư nau kan gay rgop nau ƀư dơi nkô̆ nau hun hao văng sa bar rnoh mrô./.

Ƀư năm Pâl n’aih neh dak năm 2026 đah nkô̆ nau “Yôk prêh geh mâp dak lêng ndrih” tâm 6 khay rlau aơ, lam n’gor Gia Lai vơt nklăp 8,75 reh năch tât, hao 19% rđil rơh aơ năm e. Rnoh geh tă bah năch hăn pâl n’aih geh 19 rbăn rmen. Nau ngăn lah, rnoh năch dak ba dih hao tât 80% nkoch nau hun hao ueh tă bah ăp nau kan nkoch mbơh ueh tân ăp dak kơt Hàn Quốc, Philippin ndrel Australia. Âk ntŭk tât tâm n’gor lŏ geh lam ntur neh kơp dơn, tâm nê Quy Nhơn geh ăp nau nchih nkoch mbơh nau pâl n’aih Lonely Planet săch tâm Top 25 ntŭk tât ueh ngăn ân pâl n’aih năm 2026. Tâm nau dơi hun hao aơ, Gia Lai ndŏ nkô̆ nau tât năm 2030 vơt geh 18,5 rkeh năch, nau geh bah pâl n’aih nklăp 35 rbăn rmen ăp năm. Gay ƀư ân dơi nau aơ, n’gor dôl rgum ăp tơm ntuh kơl ntrŭnh ƀư nau kan pâl n’aih têh; nkre ƀư bôk nau kan “3K-3A”, kuăl jă ăp nŭih ƀon lan ân jêng nŭih leo pâl n’aih ueh, geh: Mô têk jă, mô n’hao rnoh khlay, mô dah ma ân ndŏk-Đăp mpăn, ueh nâp, đêp rmên./.