Thủ tướng Chính phủ Lê Minh Hưng lah na nê̆, nău ntoh ngơi dŭt khlăy, nău nsrôih, na nê̆ n’hanh lĕ rngôch bâh đồng chí Tổng Bí thư, Kruanh dak ngăn ngên lah rnoh n’hao kan, nsŭk nsôr têh khlăy ngăn n’hanh lah ăp nău mĭn mpŏng kan lĕ rngôch an Chính phủ, ăp gưl kan, ăp n’gâng kan, ăp ntŭk gay ma an geh nsrôih ƀư tay nău kan, nsrôih ƀư  an ueh lơn tay nău kan geh pă jao, ƀư lôch nău dơi ăp nkô̆ mpŏng kan, nău mpŏng kan hun hao wăng sa- rêh jêng năm 2026 n’hanh lĕ ma lvang năm 2026-2030.

Lah na nê̆ nău nsrôih kan n’hanh nău nsrôih ƀư tĭng nkô̆ mpŏng hun hao năm 2026 n’hanh lvang năm 2026-2030 geh 2 rnoh mbrô,ndrel đah nău ŭch mât nâp ueh đăp mpăn nău wăng sa têh, mât njrăng bah lạm phát n’hanh mât đăp mpăn tâm ban têh bâh n’gâng kan wăng sa, Thủ tướng Chính phủ Lê Minh Hưng đă. "Mơh n’gâng kan, mơh ntŭk kan lĕ dơi geh n’hanh rlău đah ăp nău ŭch hun hao tâm 6 khay bôk năm rĭ an geh nsrôih gay ma dơi geh nău mpŏng kan âk lơn. Ăp n’gâng kan, ăp ntŭk kan i mô hŏ dơi geh rĭ an geh nsrôih ƀư lôch, ngăn lah Thủ đô Hà Nội n’hanh nkuăl ƀon têh Hồ Chí Minh ndrel đah ăp ntŭk an geh nsrôih hun hao. Aƀaơ 25/34 ntŭk an geh nsrôih âk tay lơn. Tâm nău nchih nchrăp kan bâh Chính phủ lĕ geh mbơh pă nău mpŏng kan, nău kan dŭt na nê̆ ngăn an ăp trong kan, ăp nău kan, ăp ntŭk kan,  an geh đă ăp n’gâng kan, ăp ntŭk kan n’hanh ngăn lah ăp n’gor, nkuăl ƀon têh bâh trung ương mât uănh n’hanh mbơh ƀư tĭng nău nchrăp ƀư lor, ntrong kan leo kan bâh Chính phủ”.

Ăp nău ntĭm đă bâh nuĭh leo bôk năp Chính phủ an saơ mô geh rhơn êng đah ăp nău dơi geh bôk năp. Ngăn lah Thủ đô Hà Nội n’hanh nkuăl ƀon têh Hồ Chí Minh, bar nkuăl ƀon têh têh ngăn aơ geh rnoh geh âk tâm GDP lam dak. Lah lĕ bar n’gâng  tơm aơ mô hao ngăch, nău wăng sa têh mbra dơi ma sĭt tât dŭt ngăch. Ăp n’gâng kan, ăp ntŭk kan ê hŏ dơi geh nău ŭch hun hao rnoh mbrô 2 rnoh rĭ an geh nsrôih ƀư lôch nău kan, aơ  lah du nău đă kan na nê̆ lơn, an geh ƀư leo kan, mô geh der nău kan bâh ăp ntŭk dôl geh ƀư mbrơi. Aƀaơ 25/34 ntŭk an geh nsrôih âk tay lơn”, rnoh mbrô aơ an saơ nău jêr mpeh ƀư lôch nău nchrăp năm lah dŭt têh ngăn, an geh mbơh na nê̆ nău kan wăng sa bol ma geh nău ueh êng yơn ê hŏ tâm ban, an geh du nău nsrôih lĕ rngôch ta ntŭk kan têh gay ma dơi geh nău hun hao 2 rnoh mbrô ta năm 2026 n’hanh lĕ năm kan 2026-3031.