Ôi 9/7, ta Hà Nội, Ban ntĭm rđău rgâl mrô tâm ăp ngih pah kan Đảng ƀư rƀŭn nchră uănh lah săk rnglăy 6 khay bôk năm n’hanh mbơh ƀư nău kan khay tât. Ntoh ngơi ntĭm rđău, Rnâng kan Ban Bí thư Trần Cẩm Tú đă ndăn mkra nu nău kol mạng tĭng ntŭk tâm ăp nar hô dŏng ứng dụng “Sổ tay đảng viên điện tử”.

Mbơh ta rƀŭn nchră an saơ, trong kan rgâl mrô tâm ăp ngih pah kan Đảng geh âk nău rgâl ueh mpeh lôch trong ƀư, rdâk njêng n’gâng tơm n’hanh mbơh ƀư ăp trong dŏng nsum. Yơn lah, ngăch du đêt ntil ndơ hôm e mbrơi, săk rnglăy pơk dŏng mô tâm ban. Rnâng kan Ban Bí thư jao an Văn phòng Trung ương Đảng ơm an ntrong ƀư rgâl mrô gưl n’gor, gưl xă; nkre tâm rgop ăp ntŭk kan, nuĭh ndranh mkra jêh ăp wăk kol kỹ thuật, rgâl dơh trong ƀư tâm trong ƀĭt joet pah kan.