Bơi tât 30 rơh tâm nchră lĕ rgum mbơh rblang mpeh nău dơi n’hanh nău đă ndơ̆ n’gor jêng ntŭk hun hao mhe, tâm rgop Tây Nguyên, Duyên hải Nam Trung Bộ n’hanh Campuchia lôch pơk lăp hun hao bâh lăp kan nsum ta ntŭk aơ. Ntoh ngơi ta rơh tâm nchră, Bí thư n’gor uỷ Đăk Lăk Lương Nguyễn Minh Triết lah na nê̆ n’gor mbra geh dơn tay n’hanh rgâl mhe ăp nău tâm rgop bâh nuĭh way kan jêng nău kan na nê̆, n’gor mbra geh dơn kan na nê̆. Nkô̆ mpŏng ŭch lah rdâk njêng  n’gâng kan nâp nâl, kơl kan ueh, sŏk ƀon lan  n’hanh doanh nghiệp ƀư tơm, uănh nău hun hao bâh doanh nghiệp n’hanh nău ueh tâm ntŭk gŭ rêh jêng nău kan veh săk rnglăy mât uănh nău kan ta ntŭk. N’gor mbra ntĭm đă leo kan ăp rơh pah kan đah ntŭk kan an na nê̆ lơn, ƀư tâm di lơn lôch rơh tâm nchră aơ gay ma geh ƀư na nê̆ ăp nău mĭn kan.