Ôi 10/3, ta Ngih Trung ương Đảng ƀư rƀŭn nchră mbơh nău ntrŭnh bah Bộ Chính trị ndâk njêng Hội đồng Lý luận Trung ương năm kan 2026-2031. Ndơn măt Kruanh Đảng, Ngih dak jao an Nău ntrŭnh bah Ban Bí thư ntĭm tâm pă an đồng Chí Nguyễn Xuân Thắng, Kruanh Hội đồng Lý luận Trung ương năm kan 2026-2031, Tổng Bí thư Tô Lâm uănh lah ăp nău rgop dŭt khlay bah Hội đồng Lý luận Trung ương ăp khóa bah năp, ngăn lah tâm trong kan mĭn njêng, ndâk njêng jêh lý luận bah Đảng, mpeh trong hăn tât chủ nghĩa xã hội ta Việt Nam n’hanh rgop na nê̆ tâm nău ndâk njêng, jêh ăp văn kiện khlay bah Đảng, lơn lah ta ăp rơh Đại hội Đảng lam dak, nchrŏng trong hăn hun hao bah neh dak tâm năm jŏ jong.

Nkoch mpeh nău kan tâm năm tât, Tổng Bí thư đă Hội đồng Lý luận Trung ương an mĭn lah n’hanh n’hao nău ƀư tơm khlay tâm trong kan lý luận bah Đảng, tâm rach năm hun hao mhe bah neh dak. Trong kan lý luận lơ geh nkô̆ nău khlay yor lý luận rgop têh jêng trong nău mĭn, trong hăn tâm nău kan bah Đảng đah trong uănh têh khlay jŏ jong, trong hăn tĭng lvang, tĭng rơh gay hun hao neh dak.