Tổng Bí thư Tô Lâm  n’hanh Thủ tướng Chính phủ Phạm Minh Chính tât râng rơh ntơm ƀư ta ngih nti phổ thông nội trú 2 gưl nti Tiểu học n’hanh Trung học Cơ sở Đồng Đăng, xã Đồng Đăng, n’gor Lạng Sơn. Ntơm ƀư geh ƀư ta 17 ntŭk kan tơm n’hanh 104 ntŭk ƀoh mbơh nău trực tuyến ta lam dak. Ntoh ngơi ta ntơm ƀư, Tổng Bí thư Tô Lâm lah na nê̆, tâm ăp rơh kan bâh Cách mạng, Đảng, Ngih dak way geh ntêm nău mât kơl, ntuh kơl tâm ăp rơh kan bâh Cách mạng , Đảng, Ngih dak way ntêm tât nău mât kơl, ntuh kơl an hun hao nău ntĭm nti ta nkual n’har bri. N’gâng kan Chính trị lĕ ntrŭnh ntuh kơl rdâk njêng geh 248 ngih nti nội trú bar gưl nti ta 248 xã n’har bri neh kơh. Aơ lah du nău ntrŭnh kan di ngăn, geh nău khlăy ngăn, mpơl nău mât kơl têh khlăy bâh Đảng, Ngih dak đah ƀon lan nkual n’har bri, nkual njônh ngai, hôm nha geh âk nău jêr jŏt.

Tổng Bí thư Tô Lâm đă ăp gưl kan uỷ đảng, n’gâng kan ăp gưl an geh nsrôih răng dăng lăp kan, ƀa ƀơ uănh năl, uănh nđôi n’hanh ntrŭt đă ƀư tĭng nău kan gay ma nău kan geh mbơh ƀư rdâk njêng ueh ngăch, ueh ngăn, săk rnglăy ngăn, ngăch ndăn kơl an năm nti mhe 2027-2028. Ndrel đah nĕ, n’gâng kan ntĭm nti an geh rdâk njêng ngih nti ndrel đah nău kan rdâk njêng ntŭk ntĭm nti ueh mhe, lĕ rngôch. Ta meng nău nti rplay săm ƀŭt, an geh mât uănh tât nuĭh ntĭm nti, nti nău mĭn n’hanh nău gĭt kan răp jăp an kon hoc, nău ŭch hun hao n’hanh ryơk n’hao nău way ơm bâh ƀon tơm neh dak.