Rmôt hăn kan bah Quân khu 5 yor Trung tướng Lê Ngọc Hải, Rđau kan Quân khu bư Tơm kan hŏ hăn mêt uănh nau kan ndâk ăp ntŭk ƀư kan kơl an geh nau dơi tâm n’gor Khánh Hoà.

Rmôt hăn kan bah Quân khu 5 hŏ hăn mêt uănh nau kan tâm ăp ntŭk geh: Ntŭk gŭ ntĭm nti bah rnâng kan rđau kan njrăng rdâng nkuăl 4-Đô Vinh, Trung đoàn 896, Đại đội Trinh sát cơ giới ndrel ntŭk ntĭm nti tahen Khánh Vĩnh tâm N’gâng kan rđau tahen n’gor Khánh Hoà.

Jêh geh djăt ăp rmôt kan ndrel ăp nŭih mât ƀư kan mbơh nau ngăch nau kan, ăp nau nơih, nau jêr tâm rnôk mêt uănh, Trung tá Lê Ngọc Hải, Rđau kan Quân khu 5 đă ăp rmôt ndâk ƀư ân geh rgum n’hâm, ntrŭt dăng nau ngăch gay ơm jêh, jao ăp ntŭk kan ting di nau nchrăp, nkre uănh khlay nau nâp, ueh, đăp mpăn tŏng dơi, tâm ban nau ueh nâp bah ntŭk. N’gâng kan rđau tahen n’gor Khánh Hoà vay mêt uănh nau ngêt sa, gŭ nti, năn rgum nau mbơh tat Quân khu 5 gay đăp mpăn ƀư jêh nkô̆ nau, nau nchrăp luh./.