Măng 25/3, ta Hà Nội, Trung ương Đoàn druh ndăm Cộng sản Hồ Chí Minh ndrel Tơm prăk kơl an nŭih blau mom ƀư nau pă nkhôm ân ăp nŭih mom Việt Nam ntoh lư năm 2025.

            Tât râng ndrel ntoh nau tâm nar rƀŭn, Uỷ viên Bộ Chính trị, Kruanh Ban Chính sách, nau kan Trung ương Nguyễn Thanh Nghị rhơn ăp nŭih geh rnê; lah rjăp, ăp nŭih mom lah nŭih rêng nŭih n’hâm kan rjăp, nkoch mbơh ân ăp rơh mom ntoh lư tâm nau kan ntĭm nti, mĭn rvê, pah kan, rgâl blau mhe, ƀư tơm khoa học công nghệ, janh mĭn, janh kan ndrel ƀư yor nau geh dơi bah neh dak, rnoi mpôl.

Ntơm 145 hồ sơ bah 37 rmôt, Hội đồng rnê nkhôm bah 2 rơh mêt uănh ndrel săch trực tuyến hŏ săch 10 nŭih ntoh lư. Ăp nŭih kŏ geh nau nkoch mbơh, mô êng lah nau blau mhe, ƀư kan kơl an ma hôm râng mât, rêng tay nau gĭt, nau blau ndrel hun hao nau ntơ lư Việt tât dak ba dih./.