Bôk khay 4, lam n’gor geh rlău 1.000 hec-ta tơm tăm ân ât rdâng đah duh phang n’hanh 430.000 hec-ta tơm tăm ân geh dak tŏ, lơn âk lah ăp ntil tơm tăm jong năm geh rnoh khlay kơt: cà phê, tiêu n’hanh  ăp ntil tơm sa play. Tĭng Sở Nông nghiệp n’hanh Môi trường Dak Lak, dak ta lơn âk ăp n’glău tâm lĕ rngôch rnoh 620 n’glău n’gâr hŏ hŭch 10-15% rđĭl đah ndrel khay dja ăp năm bah năp nơh, 22 n’glău hŏ suăt thơl ban ntŭr. Aƀaơ Công ty TNHH MTV mât dŏng dak bât Dak Lak dôl ƀư rdâng lơh duh phang an 6 dak bât, đah lĕ rngôch rnoh hvi neh dŏng tŏ rlău 1.000 hec-ta. Tâm nê, geh 2 dak bât ta nkuâl Buôn Đôn hŏ ƀư lôch jêh, đah lĕ rngôch rnoh hvi hŏ dơi rdâng lơh bah duh phang lah 600 hec-ta, hôm ƀa ƀă dôl an ƀư pah kan rdâng lơh duh phang ta ăp nkuâl Lăk, Krông Năng n’hanh  thị xã Buôn Hồ.