Rƀŏng kơl rơh hô ngăn nkoch trêng n’hanh ntop kơl săch đại biểu Quốc hội khóa 16 n’hanh đại biểu Hội đồng nhân dân ăp gưl, năm kan 2026-2031, N’gor Đoàn Lâm Đồng lĕ mbơh ƀư âk nău kan ngăn ngên, mât uĕh ƀư tơm hăn lor bah druh ndăm tâm trong kan nkoch trêng n’hah rhŏ an săch.

Tĭng nĕ, N’gor Đoàn Lâm Đồng lĕ ndâk ƀư trong nău mhe, nău nchih nkoch trêng mpeh săch ta mạng; pơk ăp chuyên đề, nkô̆ way nkoch gay mbơh di na nê̆, ngăch tât đoàn viên, druh ndăm n’hanh nuĭh ƀon lan. Ndrel đah nĕ, N’gor Đoàn Lâm Đồng ndâk njêng 535 rmôt kơl kan đah rlău 6.700 đoàn viên, druh ndăm geh măt ta ăp ntŭk tâm n’gor gay râng ntop kơl trong kan săch. Nău ƀư bah druh ndăm n’gor Lâm Đồng rgop rêng hvi nuih n’hâm lĕ đah nău kan bah nuĭh ƀon lan, nkre ntop kơl ăp ntŭk ƀư nar săch ƀon lan ƀư tơm, di nău ntrŭnh n’hanh đăp mpăn.