Tĭng nău mbơh tơih, lĕ rnoh ƀon lan lam dak tâm rnoh geh săch nuĭh kan nar naơ lah: 76 rkeh 527 rbăn 637 nuĭh, tâm nĕ rnoh ƀon lan lĕ tât râng nklăch phiếu lah: 76 rkeh 043 rbăn 527 nuĭh (geh 99,38%). N’gor Lào Cai lah ntŭk ƀư lôch săch kruanh ơm ngăn, ndrel đah nkuăl ƀon têh Huế lah 2/34 ta ntŭk geh rnoh lĕ rngôch ƀon lan hăn săch. Ngăn lah, n’gor Lào Cai geh 173 ƀon lan bâh 100 mom ndăm let lơn.

Bâh ntrong kan săch kruanh, ăp ntŭk kan mbơh nău tâm lam dak n’hanh dak bah dih way geh uănh nđôi n’hanh geh mbơh nău tât ta rơh săch kruanh ta ăp n’gor, nkuăl ƀon têh, ăp nkual nklăch phiếu. Uănh khlăy nău ƀư tĭng nău dơi ƀư săch kruanh bâh ăp đồng chí leo kan Đảng, Ngih dak, mpôl kan tahen, ƀon lan âk năm deh, ƀon lan mom rơh bôk năp geh ƀư nău kan săch kruanh, ƀon lan rnoi đê̆, phung chroh, ƀon lan ta n’har bri, gôl dak, gôl yôk, ăp ntŭk jêr jŏt...Bâh nĕ an saơ rơh săch kruanh geh ƀư leo kan ƀon lan ƀư tơm, na nê̆, di  nău ntrŭnh, di nău way pháp luật, nău dơn kan n’hanh nău rhơn tâm nar tâm mâp lĕ ƀon lan.