Nar 25/3, rlău 550 nuĭh ƀon lan lơh joi ka phường La Gi n’hanh xã Tân Hải, n’gor Lâm Đồng hŏ râng lơh ntĭt ƀư rơh phat dôih nkoch trêng njrăng bah lơh joi tui ka mô tâm di, mô mbơh n’hanh mô tĭng nău way an (IUU). Bôk nău kan tă bah Chi đội Kiểm ngư mbrô 4, Bộ Tư lệnh Nkual Cảnh sát dak lêng 3 kan nsum đah Ban Tuyên giáo n’hanh Dân vận Tỉnh ủy, Nhih phat dôih ƀon lan n’gor ƀư.

Rơh phat dôih dơi rdâk ƀư bah nău ntĭt geh ngăn ngăn bah nău tih nhŭp kân nuĭh geh tât nău “Leo ƀư an nuĭh êng luh hăn dak bah dih mô geh nău way” n’hanh “Ƀư jêng rkhul nău kan bah ndơ dŏng điện tử”. Ma nău mpơl tay rêng ôp uănh, ƀoi tĭng lah phong, nkra rmal, bôk nău kan kơl ƀon lan lơh joi ka dơh wât, dơh tât ăp quy định pháp luật mpeh lơh joi tui ka. Âk nkô̆ geh tât khlay dơi lah rjăp kơt quy định mpeh nkual lơh joi, mât njrăng bôk duk lơh joi tui ka, nău ƀư tih IUU mbra geh rmal nhŭp kân nuĭh, kơt ăp nău tih kơt droh, n’hât ndơ ntrŭp groi nđôi njăr trong hăn.