Ta Kon Tum Lễ giỗ tổ Hùng Vương dơi Ban trị sự Đình Lương Khế n’hanh n’gâng kan ƀon lan phường Thống Nhất, nkual ƀon têh Kon Tum ƀư têh, uĕh. Nuĭh ƀon lan, năch pâl nđaih n’hanh ntoh măt n’gâng kan ƀon lan tât Đình dŭt âk, uănh kunh mbah Quốc tổ dăn an neh dak ƀon lan đăp mpăn, mih lăng prăng uĕh, bôh ba săk geh.

Ta Gia Lai, hội đồng hương Vĩnh Phú (aƀaơ lah 2 n’gor Vĩnh Phúc n’hanh Phú Thọ) rêh ta ăp nkuăl, nkual têh, nkual ƀon têh bah n’gor Gia Lai rgum sĭt Đền thờ kđăch Hùng ta xă An Phú, Nkual ƀon têh Pleiku, ƀư mpoh su nhang nkah gĭt u che. ta Di tích lịch sử văn hóa ngih dak Đình Lạc Giao, nkual ƀon têh Buôn Ma Thuột, n’gâng kan ƀon lan n’hanh nuĭh ƀon lan tâm n’gor Dak Lak lĕ ƀư Lễ giỗ tổ Hùng Vương gay nkah gĭt ăp Kđăch Hùng lĕ geh soan ndâk njêng neh dak.

Ta Lâm Đồng, Lễ giỗ tổ Hùng Vương ƀư rhăt jăp, đah ăp nău ƀư geh: Sŏk wơt drăp ndơ ƀư brah Quốc tổ, Tế lễ way ơm n’hanh mpoh su nhang Quốc tổ ta ăp đền Thượng, Trung, Hạ ta nkual Đền thờ Âu Lạc tâm Nkaul pâl nđaih dak leng prenn Đà Lạt.

Aơ lah di an nuĭh ƀon lan ăp rnoi nuĭh Tây Nguyên rƀŏng sĭt tu tơm, ryơk mpư, nkah gĭt tât n’hâm soan ăp Kđăch Hùng lĕ geh soan ndâk njêng neh dak n’hanh mât bri dak, tă bah nĕ rgop nâp nâl n’hanh hun hao tâm rnglăp ăp rnoi nuĭh.