Măng nđaơ (15/3), rnoh nuĭh ƀon lan hăn nklăch phiếu săch đại biểu Quốc hội khóa 16 n’hanh đại biểu Hội đồng nhân dân ăp gưl năm kan 2026-2031 ta n’gor Lâm Đồng geh 99,66%.

Tâm rnoh bơi 2,6 rkeh nuĭh ƀon lan lam n’gor Lâm Đồng geh 99,66% nuĭh ƀon lan lĕ hăn nklăch phiếu. Tâm nĕ geh 59/124 gưl xă; 1.951/2.296 nkial nklăch phiếu geh 100% nuĭh ƀon lan hăn nklăch phiếu. Tĭng uănh lah bah Ủy ban Săch n’gor Lâm Đồng, nuĭh ƀon lan lam n’gor dŭt n’hâm rƀŏng kơl nar săch, nkoch nău tâm ban ŭch, nsing nơm tâm rơh săch. Nuĭh ƀon lan uănh tât mĭn joi săk nuĭh, nkoch nău rêh pah kan bah ăp nuĭh dơi săch lor rnôk ƀư nchih phiếu. Lư tâm ƀon lan uĕh, tĭng nuih n’hâm lĕ đah nău kan, tâm rnglăp nsing nơm tâm lôch uĕh bah rơh săch.

N’gor Gia Lai lĕ geh 99,76% ƀon lan hăn săch đaị biểu Quốc hội khoá 16 n’hanh đại biêủ HĐND ăp gưl năm kan 2026-2031. N’gor Gia Lai kơp dơn rnoh ƀon lan tât râng săch kruanh âk ngăn . Tâm bơi tât 2,6 rkeh ƀon lan geh săk tâm rnoh săch, geh tât 99,97% ƀon lan lĕ hăn nklăch phiếu tât râng lĕ rngôch. Nău geh aơ an saơ nău min dơn kan n’hanh nău tâm ban kan bâh ƀon lan tâm nar tâm mâp têh bâh neh dak, nkre lah dun nchrăp ueh na nê̆ nău kan ta ntŭk. Ƀon lan rnê âk nău nchrăp kan, ƀư leo săch kruanh bâh ăp gưl, ăp n’gâng kan n’gor Gia Lai. Nkre lah, knơm âk ăp đại biêủ lôch geh săch mbra djăt n’hanh pah kan yor nău hun hao bâh ta ntŭk n’hanh neh dak.

Ban ntĭm rđău săch n’gor Khánh Hòa an gĭt, rơh săch Quốc hội khóa 16 n’hanh HĐND ăp gưl năm kan 2026-2031 ta lam n’gor ƀư dŭt uĕh, tât 5 mông, rnoh nuĭh ƀon lan hăn săch geh bơi 99%, 47/65 xă, phường đặc khu geh rnoh nuĭh ƀon lan hăn săch 100%.

Wa Nghiêm Xuân Thành, Bí thư N’gor ủy, Kruanh Ban Ntĭm rđău săch n’gor Khánh Hòa đă ăp rmôt kơp phiếu ƀư rjăp trong kơp phiếu, n’hao uănh nđôi, groi uănh, mô an geh ntoh nău phong. Ăp ngih pah kan way kan geh tât lôch jêh samƀŭt gay ngăch mbơh jêh săch bah n’gor an Hội đồng săch ngih dak n’hanh mbơh jêh tĭng di nar ntrŭnh.