Tâm nê geh bơi tât 1.500 rnăk geh kơl an ndâk mhe ndrel 220 rnăk geh kơl nkra nâp. Kơt ri tât nrôk aơ n’gor Kon Tum hĭ geh 2/3 nau nchrăp jut ngih truh sat. N’gor dôl rgum ăp tu tơm tât lôch khay 6 mra ƀư jêh nau 824 ngih hôm e. Kon Tum ƀư âk nau kan nchrăp lor gay rklaih nau mĭn kâp rnơm tâm rnoh kơl an, nau ndoh ndơ ndâk nkra ngih mpêt khan ndrel hao khlay, mô tŏng nŭuh kơl an yor nŭih ƀon lan dôl tâm yan tuch tăm, klih rek./.

Lơ 11/4, Công ty TNHH du ntŭk kan 72 (Binh đoàn 15) lĕ ƀư ntơm ndâk nkra jŭt ngih rông mpông sat n’hanh an prăk ntop kơl 26 rnăk lah phung pah kan n’hanh ƀon lan ta nkuăl Đức Cơ, n’gor Gia Lai. Công ty 72 lĕ rgŏ jă âk tơm prăk, ndrel ty ntop kơl ƀư mhe 23 mlâm jay, nkra 3 mlâm jay, đah dĭng lĕ prăl rlău 1,3 rmen prăk. Ndrel đah nĕ, Công ty lĕ rgŏ jă cán bộ, tahen n’hanh nta an phung pah kan, nuĭh pah kan manh lor prăk khay gay ƀư prăk rgop an ndâk ƀư uĕh têh lơn. Ta năp nĕ, năm 2024, Công ty 72 lĕ rgŏ jă ăp tơm prăk gay ntop kơl ndâk ƀư 11 mlâm “Jay mpôl băl”, Jay tâm rnglăp”, Jay n’hŭt răm công đoàn” đah dĭng lĕ khlay 760 rkeh prăk.

Tâm n’gor Dak Nông, rmôt kan Công nghiệp Sah ônh-Khoáng sản VN (TKV) hŏ pă 350 rkeh gay ndâk 5 ngih kơl an ăp rnăk rnoi mpôl đê̆ ach o. Aơ lah tơm prăk TKV dŏng ƀư tĭng nau kan “Jut ngih truh sat” tâm Dak Nông năm 2025. Ăp rnăk geh kơl 70 rkeh gay ndâk mhe ngih gŭ. Ăp rnăk geh kơl rơh aơ lah H’Dôi (ƀon Păng Sim, xã Trường Xuân, nkuăl Dak Song), Điểu Nguyên, ƀon Phi-lơ-te, xã Dak Ngo, nkuăl Tuy Đức; K’Sét, ƀon B’nor, xãDak Som, nkuăl Dak Glong; Thị Nhú, ƀon Bu-sê-rê 1, xã Dak Ru, nkuăl Dak Rlâp ndrel Nông Văn Dương, xã Buôn Choáh, nkuăl Krông Nô./.