Ôi 20/3, Thủ tướng Phạm Minh Chính ƀĭt joet Rƀŭn nchră mbơh an dự thảo mbơh bah Mpôl uănh nđôi mrô 1908 bah N’gâng kan Chính trị, Ban Bí thư đah Ban Thường vụ n’gor ủy, thành ủy: Nkual ƀon têh Hồ Chí Minh, Bà Rịa-Vũng Tàu. Thủ tướng uănh lah, jêh rnôk geh ăp Nghị quyết, Ntĭm đă, N’glôn jêh bah Trung ương, Thường vụ thành ủy, n’gor ủy bah 3 n’gor nkual ƀon têh lĕ mbơh ƀư, mât uănh rjăp, ngăch, di, đăp mpăn mông nar bah nkual ƀon têh, n’gor, tât bah dâng, geh nău tâm ban ŭch tâm ăp n’gâng kan, nău kan, ngih pah kan, ntŭk kan.

Thủ tướng an gĭt ăp n’gor geh ntĭt êng, êng đah Nkual ƀon têh Hồ Chí Minh, mhe rlău geh rgâl kruanh gưl prêh bah nkual ƀon têh yơn lĕ ngăch đăp mpăn nu nău, lĕ dơh ngăch geh 15%, dăp biên chế n’hŭch 20%. Thủ tướng an lah jêh rơh uănh nđôi aơ lĕ joi ăp nău blău ơm nuĭh ntoh lư gĭt blău, trong ƀư uĕh, dơh sam ƀŭt hành chính n’hŭch nău ƀư ta n’gul, dơh an nuĭh ƀon lan doanh nghiệp. Thủ tướng đă đŏng 3 n’gor rgum hun hao wăng sa, ntrôl hao jêng đăp mpăn hao jêng ngăch yơn an nâp nâl.