Kêng măng 3/2, ta nhih pah kan Chính phủ, Thủ tướng Phạm Minh Chính, Kruanh Ban rđău đă rgâl dơh glêh siƀŭt bah Chính phủ ƀư tơm rơh hop tâl 3 bah Ban rđău đă, n'glôch jêh pah kan năm 2022, an ƀư nău kan năm 2023. Lah ta rơh hop, Thủ tướng Phạm Minh Chính nchŏng kloh ăp nău dơi hŏ geh n'hanh lơn lah ăp nchiăng khan ân ơm nkra bah kơt: pah kan rđău đă ƀư rgâl dơh glêh siƀŭt mô hŏ dơi way ƀư mbro; hôm âk nău kan rgâl dơh glêh mô hŏ lôch ƀư.

Nău rgâl dơh glêh siƀŭt, koh n'hŭch quy định geh tât nău kan tăch rgâl ta du đêt n'gâng kan, n'gor mô hŏ dơi tĭng ƀư răp jăp, ăp tŏng, geh nău dơi tam n'hanh năn ngăch. Thủ tướng lah rjăp, năm 2023 lah năm rgum prăp nău lư mbrô, Chính phủ rđău đă lĕ n'hâm suan mpeh nkô̆ nău  dja, Thủ tướng đă, ăp n'gâng kan, ăp n'gor rdâk njêng ntŭk mât prăp nău lư an êng nơm, ntơm bah nê mât dŏng, rgâl dơh glêh siƀŭt, nta trong dơh an hun hao Chính phủ mbrô.