Ta Ngih Chính phủ phủ, Thủ tướng Chính phủ ƀư tơm rơh rƀŭn tal 3 đah ăp n’gâng kan, nău kan mpeh uănh nu nău n’hanh mkra rdâng đah nău kơl soăy bah Hoa Kỳ. Ntoh ngơi ta rơh rƀŭn, Thủ tướng đă ăp n’gâng kan, nău kan geh tât rgum nchrăp sam ƀŭt rhoăch nău an mpôl Việt Nam tât Hoa Kỳ tâm nchră. Tĭng nĕ, dăn đă Mỹ ndruch nău đă soăy đah Việt Nam đêt ngăn 45 nar gay geh nkô̆ nău, nău nkol, nchrăp rgâl nu nău.

Tâm nchră gay hăn tât tâm ban tăch rgâl nâp nâl, geh nău uĕh ndrel 2 ding; geh nău dơi an an nuĭh dŏng 2 ding, yơn mô khuch tât tâm ton lam ntŭr neh. Thủ tướng lah rjăp nuih n’hâm tâm nchră tĭng di kơt kuăl tâm nchră đah Tổng Bí thư Tô Lâm đah Tổng thống Hòa Kỳ; n’gluh an nău mbơh mbra tâm rgâl đah Hoa Kỳ, ndơ̆ an rnoh soăy nglăp rwăt mpeh 0% đah ndoh ndơ nglăp rwăt bah Hoa Kỳ, nkre dăn đă Hoa Kỳ kơt dŏng rnoh soăy tâm di đah ndoh ndơ nglăp rwăt bah Việt Nam; ntrŭt nsôr tay, nta an rwăt ndoh ndơ bah Hoa Kỳ ma Việt Nam ŭch n’hanh ntrŭt nsôr nta nơih an ăp công ty Hoa Kỳ ntuh kơl âk tay an Việt Nam.