Thủ tướng lah na nê̆, aơ lah rơh gay ma ryơk rnê ăp nău tâm rgop khlăy bâh cán bộ bu ur tâm n’gâng kan nchră nău đah dak bah dih, nkre lah tay na nê̆ nău tâm ton na nê̆ bâh Việt Nam tâm nău ntrôl an tâm ban bu ur bu klô n’hanh n’hao nău tât rângh kan bâh bu ur ta trong rdâk njêng du play neh đăp mpăn, tâm kơl n’hanh hun hao nâp nâl. Tâm nău kan rdâk njêng n’hanh mât neh dak geh nău khĭt ji, nău nsrôih tâm rgop, ntop kan khlăy bâh bu ur Việt Nam, ăp nuĭh nchră nău đah dak bah dih an nău đăp mpăn, ueh lăng, hơm răm bâh neh dak, ƀon lan. Thủ tướng đă  n’gâng kan nchră nău đah dak bah dih an geh nta nău dơh nơih lơn tay an bu ur kan nchră nău đah dak bah dih ƀư ueh jăp nău kan bâh nơm, njêng nău kan ueh đah băl mpôl lam ntur neh mpeh nău rŏng, play nuih, nău tâm rŏng bâh bu ur ƀư nchră nău đah dak bah dih, nkre lah ăp nuĭh kan nchră nău đah dak bah dih bu ur an geh mpơl nău blău, nău dơi gay ma ndrel tâm rgop ndŏ lam ntur neh nâp joat ta trong đăp mpăn, tâm kơl n’hanh hun hao nâp nâl.