Ta rơh tâm nchră ma điện thoaị, Thủ tướng Chính phủ Phạm Minh Chính lah na nê̆ Việt Nam mbra tât râng ăo nău nsrôih nsum bâh âk dak lam ntur neh, tâm nĕ geh ASEAN, gay ma joi trong đăp mpăn an rơh tâm rkeh aƀaơ. Tâm nău tâm rkeh geh tât âk nău jêr, Thủ tướng Chính phủ lah ueh n’hanh đă Chính phủ Qatar mât uănh tay, mât đăp mpăn, ueh lăng an ƀon lan Việt Nam gŭt ta Qatar n’hanh nta nău dơh nơih an ƀon lan Việt Nam hăn ta Qatar.

Thủ tướng Qatar lah hna nê̆ mbra geh mât rnă njrăng, đăp mpăn ueh lăng an ƀon lan Việt Nam “Kơt đah nuĭh ƀon lan Qatar”. Mpeh nău tâm kơl ŭnh nar đah 2 dak tâm rnôk aƀaơ, Thủ tướng Qatar dôl nsrôih ƀư tĭng tay tŏng ăp nău tâm ton, tâm kơl kan đah ăp ntŭk kan ndrel, mbra tâm kơl kan na nê̆ gay ma mât đăp mpăn ueh lăng pah kan ŭnh nar ta Việt Nam.