Thủ tướng đă n’gâng kan rdâk njêng, Tổng công ty ndrâm tach ndeh păr Việt Nam n’hanh  ăp ntŭk kan geh tât uănh năl lĕ rngôch nău kan, n’hao tay nuĭh kan, ndơ dŏng, leo ƀư nău kan “3 rơh, 4 tơ̆” gay ma ngăch tâm di nar ton kan. Kơp dơn nău nsrôih bâh ăp nuĭh dơn ƀư tâm nău rêh hôm nha jêr jŏt mpeh ndơ dŏng, Thủ tướng lah na nê̆ aơ lah nău kan tơm khlăy bâh ngih dak, an geh n’hao tay nău dơi ueh n’hanh săk rnglăy pah kan. Thủ tướng rnê nău ƀư lôch ntŭk kan leo mpăr, trong jur ndeh păr n’hanh ntŭk nsrĭng ndeh păr, ntŭk rlu vơt năch. Ndrel đah nău dăn đă uănh năl geh tât ndơ dŏng, pring xăng, Thủ tướng đă ăp n’gâng kan, ntŭk kan geh tât ƀư kan an geh mât leo tay mbơh ƀư nău kan jêng 3 ntŭk tăch ndeh păr lam ntur neh Long Thành.