Ta nar ƀư ndơn măt kruanh Đảng, Ngih dak, Thủ tướng Lê Minh Hưng lĕ jao an Rnê nkhôm Anh hùng Lực lượng vũ trang nhân dân an Công an Nkual ƀon têh Hải Phòng. Rnê rhơn n’hanh uănh lah prêh ăp n’hâm soan, nău geh âk bah Công an nkual ƀon têh Hải Phòng, Thủ tướng lah kloh, ndơ rnê nkhôm Anh hung Lực lương vũ trang nhân dân mô knŭng lah nău ntô̆ n’hao êng bah rmôt Công an nkual ƀon têh Hải Phòng ma hôm lah nău lap têh bah Đảng bộ, n’gâng kan ƀon lan, tahen n’hanh nuĭh ƀon lan nkual ƀon têh Hải Phòng.

Thủ tướng nsing nơm đah nău way ơm janh dăng, chính trị nâp nâl, nuih n’hâm rgâl mhe, mĭn njêng mhe n’hanh nsôih dŭt n’hâm, Công an nkual ƀon têh Hải Phòng mbra geh âk tay n’hâm soan mhe, nău geh mhe, lôch uĕh âk nău kan dơi jao; tâm di đah nău rnê nkhôm khlay Anh hùng Lực lượng vũ trang nhân dân; yor nău hun hao hao uĕh blău mhe bah nkual ƀon têh Hải Phòng, bah neh dak, yor uĕh lăng bah nuĭh ƀon lan.