Ntoh ngơi nglôch lôch rơh rƀŭn nchră, Thủ tướng Phạm Minh Chính rnê âk nău lăp kan ueh nsrôih bâh ăp n’gâng kan ntŭk kan ndrel bâh rmôt pah kan mât đăp mpăn rnă njrăng ŭnh nar lĕ rgum ăp trong kan gay ma mât đăp mpăn ntŭk tăch rgâl pring xăng. An lah nău ta lam ntur neh geh âk nău jêr, Thủ tướng lah na nê̆ nkô̆ ŭch lah mô dơi an mô tŏng ŭnh nar an nău pah kan, tăch rgâl, ndơ dŏng bâh ƀon lan, mô an geh tăch proăt nău pah kan jan sa, nău pă pring xăng, ndơ dŏng, đăp mpăn nău kan chính trị, đăp mpăn nău rêh jêng, njrăng nde ma nău kơl kan, mô ƀư uh ah ăp nău kan, khuch tât nău mât đăp mpăn rnă njrăng lam ntŭk rêh jêng.

Thủ tướng Phạm Minh Chính an lah, aơ lah rơh  njêng tay nău pah kan tăch rgâl, pă ŭnh nar pring xăng, tâm di đah nău dŏng, ƀư ueh mhe, an geh n’hao rnoh ntêm nkrem trong kan pă pring xăng, ŭnh nar, ƀư âk ntŭk kan tăch rgâl, ƀư ueh rnoh pă an, mô knơm ta rnoh ŭnh nar ta 1 ntŭk tăch rgâl.