Nar 25/3, tâm rnôk hăn khâl ngăn Liên bang Nga, kêng măng 25-3, Thủ tướng Chính phủ Phạm Minh Chính hŏ ôp srĭng nău Tổng thống Nga Vladimir Putin ta Điện Kremlin.

Tổng thống Vladimir Putin lah rjăp, hăn khâl bah Thủ tướng Phạm Minh Chính geh nkô̆ dŭt khlay tâm nău mât kơn n’hanh ntrŭt ntrôl tâm boh bar ding. Tâm mông nar tâm rnglăp, bar kruanh rđău kan hŏ tâm mbơh nsum mpeh nô nău n’hanh trong rƀŏng, trong nchrăp wăng sa- rêh jêng kon nuĭh bah bar dak.

Tâm bah ri aơ nơh, đah nău nsrôih bah Chính phủ bar dak, ăp n’gâng kan, ăp n’gor geh tât, tâm boh âk ntil đah Việt Nam - Liên bang Nga dôl hun hao dŭt uĕh lăng. Nsing ta nê, Thủ tướng Phạm Minh Chính n’hanh Tổng thống Vladimir Putin hŏ tâm ôp jru hvi mpeh nău ŭch geh, săk geh bah bar ding, ntrŏng ăp trong kan rgum tơm, trong rƀŏng têh tâm boh bar ding let năp tay, gay ƀư jru hvi lơn đŏng tâm boh têh jong lam lĕ rngôch Việt Nam - Liên bang Nga, uănh aơ lah an lor jŏ jong bah lĕ bar dak.