Ôi 9/4, Thủ tướng Chính phủ Phạm Minh Chính khâl, pah kan đah Tập đoàn Công nghiệp Viễn thông Quân đội (Viettel) mpeh nău kan mĭn njêng, nkra njêng công nghệ mhe bah Tập đoàn. Hăn uănh ntŭk mĭn njêng, nkra njêng n’hanh ăp ndơ công nghệ mhe ntoh lư yor Viettel mĭn njêng n’hanh nkra njêng geh 3 ntil nău: tahen, ntung trong ngih wâl viễn thông, ndơ ƀon lan dŏng, Thủ tướng Phạm Minh Chính djôt dơn, rnê rhơn, uănh lah prêh nău geh mpeh nău kan mĭn njêng, nkra njêng công nghệ mhe bah Tập đoàn Viettel.

Thủ tướng chính phủ đă Viettel rgum ƀư tĭng ăp nău kan đah 3 hăn lor tâm năm tât, rgâl mhe mĭn njêng, janh mĭn, janh ƀư, janh trok dơn, n’hanh hăn lor mât uănh, dŏng geh săk rnglăy ăp tơm prăk bah Ngih dak ntuh kơl an hun hao công nghiệp. Thủ tướng đă Viettell ƀư tĭng uĕh lơn tay trong uănh n’hanh nău kan bah nơm gay ƀư tĭng ăp nău kan dơi jao.