Lơ 16/3, Thủ tướng Chính phủ Phạm Minh Chính pah kan đah Rnâng kan n’gor uỷ Vĩnh Phúc ndrel râng nau ndâk di đê̆ nau kan khlay tâm nkuăl. Pah kan đah Rnâng kan n’gor uỷ Vĩnh Phúc, Thủ tướng nkah n’gor ân ndâk nau kan, nau nchrăp đăp mpăn nkô̆ nau hun hao rlau 8% tâm năm 2025 ndrel hun hao 2 mrô tâm ăp năm ba kơi; nsôih, nchrăp koh n’huch đê̆ ngăn 30% nau kan hành chính rđil rnôk aơ, pơk trong nơih ân ƀon lan, ntŭk kan pah kan,.

Ntrŭt dăng lơn tay nau hun hao ngih gŭ kơl an; rgum âk ngăn nau dơi ân hun hao ntŭk ntu gung trong. Kŏ tâm lơ 16/3, Thủ tướng Phạm Minh Chính râng nau ndâk nkra ngih gŭ thuk prăk đah rlau 5.300 ngih, rnoh prăk ntuh kơl rlau 7000 rmen. Ndrel nar, Thủ tướng râng nau ndâk ƀư ndrel rgŏ jă nau kan tâm rlong ndâk nkra trong sre điện 500 kV Lào Cai-Vĩnh Yên, đah rnoh jong bơi tât 230 km, rnoh ntuh kơl rlau 7.410 rmen prăk./.