Thủ tướng rđău đă tâm nar 11/4 njêng mpôl tâm nchră tă bah Bộ trưởng Bộ Công Thương ƀư kruanh mpôl leo hăn, đah rmôt way blău gĭt kan, rdâk njêng trong tor rdâng lơh kalơ nuih n’hâm "nău geh tâm ban, rmoh rman tâm kơl nsum". Thủ tướng rnê âk nău plơng ơh ngăch, năn bah ăp bộ, n’gâng kan tâm bah ri aơ nơh. Păng an gĭt, bah kơi Nhật Bản n’hanh Hàn Quốc, Hoa Kỳ hŏ ŭch mbơh tâm nchră đah Việt Nam gay tâm ban gân tăch rgâl nâp dăng n’hanh jŏ jong. Mpeh trong rƀŏng, Thủ tướng lah rjăp nău ŭch đăp mpăn nô nău tâm dak, đăp mpăn rnă njrăng – chính trị – dăp grep nău rêh jêng kon nuĭh, đăp mpăn nuih n’hâm ƀon lan n’hanh nuĭh ntuh kơl, nkre mât đăp mpăn wăng sa têh, hun hao, mât kân hao khlay ndơ n’hanh rlak tâm ban geh ngân sách. Thủ tướng an lah aơ lah rnôk gay dăp rgum tay jâng wăng sa tĭng trong rƀŏng kloh uĕh, wăch tay, ntrŭt ntrôl rgâl mhe, âk ntŭk tăch rgâl n’hanh rêng tơm ndơ tăch. Thủ tướng đă ntrôl ngăch n’gluh tơm prăk ntuh kơl, hŭch sŏk soăy, prăk rngleh n’hanh rnoh prăk an manh 500.000 rmen prăk gay ntrŭt nsôr nuĭh dŏng ndơ, ntop kơl doanh nghiệp.