Ta Ngih Chính phủ, Thủ tướng Chính phủ Phạm Minh Chính lĕ rgum nchră Kruanh Quốc hội Phần Lan Jussi Halla-Aho dôl geh rơh khâl na nê̆ Việt Nam. Ntoh ngơi ta nar wơt, Thủ tướng Phạm Minh Chính nkoch nău nsing nơm rơh khâl mbra lôch uĕh, nta an n’hâm soan ntrôl tâm boh dăch dêh way ơm n’hanh kan ndrel âk ntil Việt Nam-Phần Lan.

Thủ tướng mbơh tât Kruanh Quốc hội Phần Lan mpeh trong hăn tâm rnglăp kơt ăp nău ntrŭnh, nău kơl n’hanh nău geh hun hao wăng sa-rêh jêng bah Việt Nam; dăn đă Quốc hội Phần Lan kơl an nău Ủy ban châu Âu (EC) ơm dôh rklaih “Nău mô an” (IUU) đah tui ka Việt Nam; ntrôl quốc hội ăp dak kan ndrel EU ơm uănh an ký ton mât njrăng ntuh kơl Việt Nam-Liên minh châu Âu (EVIPA) n’hanh nsing nơm EVIPA mbra kơl doanh nghiệp ăp dak gĭt tât ntŭk tăch ndrel n’hanh nkual.  Thủ tướng Phạm Minh Chính đă 2 ding mĭn njêng ăp naư dơi kan ndrel ntĭm nti mhe mpeh ntĭm nti nău kan, tâm pă nău blău ơm ndâk njêng trong ntĭm nti uĕh blău, nta an nău dơh an nuĭh ƀon lan Việt Nam gŭ rêh, ƀư sa n’hanh nti đăp mpăn ta Phần Lan, rgop mât uĕh nău boăt nthoi dăch dêh n’hanh kan ndrel đah 2 dak.