Jêh rnôk tât Thủ đô Moscow, Liên bang nga, Thủ tướng Phạm Minh Chính hŏ geh rnôk tâm mâp ma cán bộ nŭih kan ntoh măt ndrel nsum mpôl nŭih Việt Nam gŭ kan tâm Nga.

            Rhơn geh mâp kônh wa ƀon lan nơm tâm rnôk hăn khâl Liên bang Nga, Thủ tướng mbơh, bol ma tât Nga âk tŏ, yơn ăp rnôk tŏ mâp ndrel tâm nkoch bri đah kônh wa kŏ geh nau rngot klâng bah “nau geh rnoi mpôl-nau tâm dăch dơh” bah kônh wa tâm Nga-du nsum mpôl tâm rnglăp, gơih lă kan, geh nau dơi ndrel geh nuih n’hâm n’or rƀŏng tât ƀon tơm, neh dak.

            Thủ tướng ŭch nsum mpôl nŭih Việt Nam ta Nga nar lơn tâm rnglăp, đăp mpăn, geh nau nâp tâm nau rêh tâm dak nê; jêng ntung nthoi nâp nâl ân tâm boh bar ding, ŭch nsum mpôl lŏ bư ueh pháp luật tâm dak nê, kơt tĭng nti, pah kan gơih, ndăn kơt tĭng nti nau blau gĭt mhe, nau blau kan, nau dơi mât ƀư bah dak băl, n’hao nau tâm nthoi, ntrŭt dăng nau ntuh kơl, geh âk nau kan n’hêl lơn tay rƀŏng tât neh dak. Thủ tướng đă ntoh măt bah Việt Nam ta Nga ƀư ueh lơn tay nau kơl an ƀon lan, mât chăm rnoi nơm tâm ntŭk neh dak êng./.