Ta rơh vơt, Thủ tướng Phạm Minh Chính mpơl nău mât uănh âk n’hanh tâm mbơh nău ta nkual njônh ngai dak lêng aƀaơ, ŭch ndrel đah Qatar ntop joi trong mât đăp mpăn, ueh lăng an ta nkual Trung Đông. Thủ tướng an gĭt lĕ geh rơh tâm nchră ma điện thoại  đah Thủ tướng, Kruanh n’gâng kan nchră nău đah dak bah dih Qatar, Việt Nam nkoch đah ăp dak nkual njônh dak lêng, nkre lah tâm ban ŭch Nghị quyết bah LHQ đă an bah nău rdul lơh ta ăp dak, đă mô dơi rdul lơh ta ntŭk gŭ ƀon lan. Thủ tướng mpơl nău ŭch Việt Nam lah dak geh dơn nău tâm lơh tâm su jŏ , geh nchueng rvêl, yor nĕ mô tâm di đah nău khlay bâh đăp mpăn, ŭch ăp ding geh trong kan đăp mpăn, bah tâm lơh tâm su.

Thủ tướng Phạm Minh Chính ŭch ơm bah tâm lơh gay ma ăp ngih máy ta Qatar ơm ndâk nsơm nău pah kan jan sa, ƀư pring. Lah na nê̆ an geh trong kan ndâk nsơm nău aơ, Thủ tướng ŭch Qatar đah nău blău kan, nău dơi bâh nơm, kơl an ntuh kơl ta Việt Nam ăp rnoh ntêm nkrem kơl an ngih máy  nhiệt điện khí tâm ban kơt pă an ta nkual.