Nar ntri (1/4), Tỉnh ủy Dak Lak ƀư rơh hop bôk năp Ban rđău đă tĭng ƀư rnoh tât hun hao bar mbrô lvang năm 2026–2030, nchră trong droh rklaih ăp kô̆ yơn kol khan ntơm bah pe khay bôk năm rnôk âk rnoh kan mô hŏ dơi tât trong tor luh. Tĭng trong tor hun hao, lvang năm 2026–2030, Dak Lak n’gluh rnoh tât hun hao rĭng 11–11,5%/năm; lĕ rngôch GRDP 5 năm nchrăp geh bơi 700 rbăn rmen prăk.

Tor luh tĭng năm ta rnoh bar mbrô da dê, ntơm bah 10,2% năm 2026 hao 12% tâm năm 2030. Bah năp nău ŭch geh hun hao bar mbrô tâm rnôk âk suan ntrôl mbrơi tay, wa Lương Nguyên Minh Triết, Bí thư Tỉnh ủy Dak Lak đă ân geh trong nkra đăt ndal, lơn lah tâm rgâl dơh glêh siƀŭt n’hanh wăch rgum ntuh kơl têh jong. Nkre, ân njêng trong tĭng an ƀư lor, rhuăt glêh mông nar an ƀư ăp trong nchrăp kan têh, njêng soih ntŭk hun hao ntơm bah năm 2026.