Mbah rhơn ăp Đại sứ dơn nău kan mhe, Tổng Bí thư, Kruanh dak lah rjăp Việt Nam way uănh khlay tâm boh dêh bên, tâm boh tâm rnglăp đah ăp dak, ŭch rŏng ndrel ntrŭt ntrôl tâm boh bar ding nar lơn ma hun hao ngăn ngăn, nsĭt geh nău dơi tâm ăp trong kan.

Tâm ăp rơh mâp, Tổng Bí thư, Kruanh dak dăn đă ăp Đại sứ ƀư ntung njŏ tâm khâl nsum, pơk hvi tâm boh mpeh wăng sa, tăch rgâl, ntuh kơl, ntĭm nti, văn hóa n’hanh tâm nđŭr ƀon lan; nkre n’hao dăng kan nsum ta ăp rơh rgum nchră ta nkual n’hanh lam ntŭr neh. Ăp Đại sứ mpơl nău rhơn n’hao dơn nău kan ta Việt Nam, lah rjăp mbra nsrôih bun dăp tâm boh tâm rnglăp, tâm boh đah dak he đah Việt Nam, rgop n’hao tâm boh bar ding hun hao jru hvi tâm let năp tay.