Ndơn kan an ăp đồng chí leo kan Đảng, Ngih dak pă Huân chương Hồ Chí Minh pă an Binh chủng Công binh, Tổng Bí thư Tô Lâm lah na nê̆, lịch sử bâh Tahen Công binh lah lịch sử bâh ăp joat jâng hăn pơk trong geh tât nău dơi, lah lịch sử bâh nău nsrôih têh dăng, nău mĭn nău kan nâp nâl, nău kỷ luật răng dăng n’hanh nău kan mô geh plơ̆ rŭch, nkre lah rhơn ăp nău dơi kan, nău dơi ntoh lư khlăy ngăn bâh Binh chủng Công binh.

Tâm let năp tay, gay ma ƀư lôch ueh nău kan geh pă jao “ăp nuĭh rlăng dơi lơh da dê”, Tổng Bí thư đă, Binh chủng Công binh rgum ƀư tĭng ueh 5 nău kan tơm khlăy, tâm nĕ an geh ƀư tĭng na nê̆ nău mĭn kan, trong kan tahen, mât rnă njrăng ngih dak bâh Đảng, geh gĭt nău mĭn kan mhe mpeh mât njrăng ngih dak, mât đăp mpăn neh dak, mât na nê̆ Nghị quyết Trung ương 8 khoá 13, Nghị quyết 14 bâh Đảng, Nghị quyết Đại hôị Đảng bộ Quân đội tal 12 n’hanh ăp nău ntrŭnh trong kan tơm bâh Quân uỷ Trung ương, n’gâng kan mât rnă njrăng neh dak.