Ôi 16/3, Tổng Bí thư Tô Lâm pah kan đah Ban Chấp hành Đảng bộ nkual ƀon têh Hải Phòng mpeh nô nău hun hao wăng sa- rêh jêng kon nuĭh n’hanh an ƀư Nghị quyết Đại hội XIV bah Đảng, tĭng nê, Hải Phòng ân n’hao trong ntĭt leo hun hao nsing ta săk geh, khoa học công nghệ n’hanh rgâl blău ƀư mhe.

Nkoch kloh nău mĭn, Nghị quyết Đại hội XIV bah Đảng, ăp Nghị quyết têh jong bah Bộ Chính trị n’hanh rnoh tât hun hao bar mbrô ân dơi ƀư jêng bôk nău kan ngăn ngăn ăp tŏng rêng, ăp kôp, geh rgum tơm n’hanh kơp weh ma nsĭt ntil na nê̆, Tổng Bí thư đă, bôk nău kan bah Hải Phòng ân dơi ƀư jêng ngăn ngăn lơn, kơp lĕ ma mông nar ntơm ƀư, lĕ nar ton, kloh nuĭh, kloh nău kan, kloh mông nar, kloh nău dơi kan, kloh nău dơn kan, kloh ndơ geh ƀư, nkre đah trong tĭng ôp uănh, groi nđôi n’hanh uănh năl tât leh gay ngăch rgâl di rnôk geh nău khlay.

Tổng Bí thư Tô Lâm lah rjăp, Hải Phòng ân njêng jâng đăt ndal tâm hun hao công nghiệp têh uĕh mhe, rgum tơm lah công nghiệp công nghệ mhe, nkret njêng ntrŭp nkra n’hanh công nghiệp ntop kơl geh rnoh khlay âk, jêng nkrum wăr công nghiệp têh dăng mhe, ma trong sơch săk tam nuĭh ntuh kơl, công nghệ n’hanh rêng pă an tơm ndơ tăch têh jong.