Kêng măng 30/03, Tổng Bí thư Tô Lâm, Kruanh mpôl hăn ôp uănh mbrô 10 bah Bộ Chính trị ƀư tơm rơh pah kan n’gluh an trong nchrăp mbơh siƀŭt groi nđôi bôk năp n’hanh an ƀư N’glêh an ôp uănh rơh 2 bah Bộ Chính trị đah Ban Thường vụ Thành uỷ Hà Nội.

Tổng Bí thư Tô Lâm an gĭt, tĭng trong pah kan, Mpôl ôp uănh mbrô 10 pah kan đah Ban Thường vụ Thành ủy Hà Nội mpeh 3 nkô̆: n’gluh an siƀŭt mbơh lôch jêh ôp uănh, groi nđôi bôk năp mpeh nô nău rđău đă tâm trong an tĭng ƀư Nghị quyết Đại hội XIV bah Đảng, Nghị quyết Đại hội Đảng bộ Nkual ƀon têh, lơn lah ăp bôk nău kan lam năm kan; pah kan bầu cử Quốc hội khóa XVI n’hanh Hội đồng nhân dân ăp gưl năm kan 2026 – 2031; uănh năl bôk năp nău tĭng ƀư rnoh tât hun hao bar mbrô, n’glăp dŏng n’gâng kan bar gưl n’hanh an ƀư Nghị quyết 57 mpeh đăt ndal hun hao khoa học, công nghệ, rgâl blău ƀư mhe. Tổng Bí thư lah rjăp, ta Tâm nchră mbra n’glôch jêh rơh bôk năp; nkre đăm gĭt n’glôch jêh bah Bộ Chính trị mpeh uănh năl nsum lôch jêh groi nđôi rơh bôk năp lam dak n’hanh ăp nău kan ân rgum rđău đă, an ƀư tâm let năp tay; nsing ta nê rgâl di trong nchrăp ôp uănh, groi nđôi rơh 2.