Rơh tâm nchră geh tâm nau khuh răm, đêp rmên ndrel sŏng dăng. Bar Tổng Bí thư rnê prêh nau hun hao bah nau tâm boh bar Đảng, bar dak rơh rlau aơ, tĭng nau kan “6 rlau” Ăp nau tam nchră geh ƀa ƀơ, tâm boh văng sa, tăch rgâl lŏ geh hun hao ueh, ndrel âk nau ang tâm nau tâm boh vay ơm, ntĭm nti, pâl n’aih ndrel tâm n’ur bah nkuăl. Bar ding kŏ tâm boh rjăp tâm ăp nau tâm nchră âk ding, mât nau tâm nchră ueh aih tât nau hôm nkol. Tổng Bí thư Tô Lâm đă n’hao nau tâm boh tâm nau kan tơm kơt neh dak, tâm nchră nau, công nghệ, ntrơn rgâl mrô ndrel mât ntŭk ntu. Ngăn lah, Tổng Bí thư Tô Lâm lah rjăp nau ân ntrŭt dăng ngăch nau nkra trong loih Lào Cai-Hà Nội-Hải Phòng, ntrŭt dăng nau kan tăch rgâl tâm ban ndrel ntuh kơl prêh. Jêh tâm nchră, bar Tổng bí thư hŏ râng nau mbơh 45 nau ntrŭnh tâm boh geh kí ton, nkoch mbơh nau tă geh ăp ntil bah rơh hăn khâl./.