Nar 30/5, ta Nhih pah kan Trung ương Đảng, Tổng Bí thư Tô Lâm hŏ wơt wa Thongsalith Mangnomek, Chánh Văn phòng Trung ương Đảng Ƀon lan Cách mạng Lào, dôl geh hăn khâl ngăn Việt Nam. Tổng Bí thư Tô Lâm mpơl nău rhơn bah  năp hun hao uĕh bah tâm boh Việt Nam - Lào, lah rjăp Việt Nam way n’grŏ tĭng rơh rdâk njêng, hun hao neh dak Lào.

Tổng Bí thư rnê âk nău kan nsum lhăt đah bar Văn phòng Trung ương bar Đảng an ƀư geh nău tam ăp nău tâm ton tâm boh, tâm nkoch gĭt nău lư, nău tă ơm gĭt pah kan nsŏng kơl, lơn lah nchrăp đại hội Đảng, rdâk njêng bôk nău pah kan bah Bộ Chính trị, Ban Bí thư. Tổng Bí thư dăn đă bar ding kan nsum tĭng ƀư jăp tay pah kan nkô̆ hŏ tâm ban ŭch dơn ngoăy, rgop n’hao nău tam pah kan nsŏng kơl, rhŏ dŏng kruanh rđău kan bar Đảng tâm rơh hun hao mhe.